Qyzylorda oblysynda sýǵa batyp ketken 13 jastaǵy qyz izdestirilip jatyr

QYZYLORDA. QazAqparat - Qyzylorda qalasynda 13 jastaǵy qyz bala darııaǵa sýǵa ketti, dep habarlaıdy QazAqparat tilshisi.

Oqıǵa búgin jergilikti ýaqytpen 8.43-te oblys ortalyǵynyń týberkýlez aýrýhanasy aýmaǵyndaǵy darııa boıynda tirkeldi. Tanystarymen serýendeýge shyqqan qyz bala darııaǵa sýǵa túsý kezinde batyp ketti.

«Qazir oqıǵa ornynda qutqarýshylar izdestirý sharalaryn bastady. Oǵan tótenshe jaǵdaılar salasynyń 20 qyzmetkeri men 5 tehnıka tartylǵan», - dep málim etti málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.

Sondaı-aq, búgin Qyzylordada sýǵa batyp ketken eki jigittiń máıiti tabyldy.