Qyzylorda oblysynda sý tasqyny bolýy ábden múmkin - QR ІІM
ASTANA. QazAqparat - QR Іshki ister vıtse-mınıstri ıÝrıı Ilınniń aıtýynsha, Qyzylorda oblysyna respýblıkalyq qutqarýshylardyń jasaǵy attandy, dep habarlaıdy QazAqparat tilshisi.
«Ózbekstan men Qyrǵyzstannan Syrdarııaǵa sýdy kóptep jiberip jatqannan keıin ózenniń deńgeıi kóterilip keledi. Qazirgi kezde sekýndyna 1100 kýb sý kelip jatyr. Biz sýdyń deńgeıin únemi baqylap otyramyz»,- dedi Ilın búgin Astanada ótken baspasóz máslıhatynda.
Onyń aıtýynsha, aımaqta qar men muzdyń qalyńdyǵy da jaǵdaıdy ýshyqtyryp tur. «Ondaı jaǵdaı aǵystyń tómengi jaǵynda Qyzylordadan ary qaraı tirkelip otyr. Osyǵan baılanysty kúni keshe mınıstr tıisti sheshim qabyldady. Búgin respýblıkalyq qutqarýshylar jasaǵynyń qurylymyn aıaqtan tik turǵyzyp, Qyzylordaǵa attandyrdyq. Sondaı-aq «Qazáýequtqarý» tobyn jiberdik. Olar «Qazjarylysóndirispen» birge muzdy jaryp, Aral teńizine deıingi joldy arshıtyn bolady», - dep atap kórsetti vıtse-mınıstr.
Aıta keteıik, aldaǵy ýaqytta aýa-raıy kúrt jylynyp ketken jaǵdaıda, Aqmola, Shyǵys Qazaqstan, Batys Qazaqstan, Qaraǵandy, Qostanaı jáne Soltústik Qazaqstan oblystarynyń keı aýmaqtaryn sý basýy qaýpi bar. Naýryzdyń aıaǵy men sáýirdiń basynda sý tasqyny boljanyp otyr. Osyǵan baılanysty respýblıka boıynsha ondaǵan shaqyrymnyń bógenderi jóndelip, jer asty qubyrlar tazartyldy. Eldi mekenderden mıllıondaǵan tekshe metr qar shyǵaryldy. Qazirgi kezde sý tasqyny saldarlarynyń aldyn alý jáne joıý úshin 8 myń tonnadan astam janar-jaǵarmaı, 219 myń tonna ınertti materıaldar, 958 myń qap jáne 19,8 tonna jarylǵysh zat qory daıyndaldy. Halyqty evakýatsııalaý jaǵdaıyna 1707 qabyldaý pýnkti daıyn tur. Sondaı-aq basqa jerge kóshiriletin turǵyndarǵa qajetti tamaq ónimderi men aýyz sý qory ázirlendi.
