Qyzylorda oblysynda sottalǵan 366 adamǵa raqymshylyq jasaldy
Bul sheshim 2021 jyldyń 7 jeltoqsanynda Memleket basshysy qol qoıǵan «Qazaqstan Respýblıkasy Táýelsizdiginiń otyz jyldyǵyna baılanysty raqymshylyq jasaý týraly» Zańyna sáıkes qabyldandy.
«Atalǵan Zańǵa sáıkes sottalǵandardyń jeke isteri zerdelendi. Nátıjesinde sotty bolǵan 366 adamǵa qatysty raqymshylyq qoldanyldy. Olardyń arasynda túzeý mekemelerinde jazasyn ótep jatqan 81 adamnyń 46-y negizgi jazadan bosatylyp bostandyqqa shyqsa, 35 sottalǵannyń jaza merzimderi qysqartyldy», - dep málim etti Qyzylorda oblystyq prokýratýrasynan.
Vedomstvo málimetinshe, oǵan qosa probatsııa qyzmetiniń esebinde turǵan 285 adamnyń 98-i negizgi jazadan bosatylyp esepten alyndy. Al 187-niń jaza merzimi qysqartyldy.
Eske salsaq, budan buryn Qyzylordada 14 adamdy san soqtyrǵan alaıaqqa sot úkimi shyqty.
