Qyzylorda oblysynda sońǵy aılarda 146 adamdy kene shaǵyp alǵan
QYZYLORDA. QazAqparat - Qyzylorda oblysynda sońǵy aılarda 146 adamdy kene shaǵyp alǵan. Bul jóninde búgin «Syr Medıa» JShS janyndaǵy OKO brıfınginde oblys boıynsha tutynýshylardyń quqyqtaryn qorǵaý departamenti basshysynyń orynbasary Ulbosyn Ahanaeva aıtty.
Oblys ákiminiń Qyzylorda oblysynda Kongo-Qyrym gemorragııalyq qyzbasy aýrýynyń aldyn alýdyń keıbir máseleleri týraly ókimimen bıyl aýrýdyń aldyn alý jumystaryn úılestirý jónindegi jumysshy tobynyń quramy bekitildi. Naýryz aıynan bastap óńirde keneden zalalsyzdandyrý jumystary júrgizilýde.
Búgingi kúnge deıin gemorragııalyq Kongo-Qyrym qandy bezgegi sııaqty qaýipti aýrý anyqtalǵan joq. U.Ahanaevanyń aıtýynsha, Shıeli, Jańaqorǵan aýdandarynda jaǵdaı turaqtalǵan. Ótken jylǵy epıdemıologııalyq kezeńmen salystyrǵanda kene shaǵý oqıǵalary 38-ge azaıǵan.
Qolaısyz eldi mekenderde kóktem men kúzde 2 ret kenege qarsy óńdeý sharalaryn júrgizýge 166 mln. 315 myń teńge bólindi. Sol tóńirekterdegi 300 metr radıýsta sanıtarlyq-qorǵanys aımaqtaryn qurý, dala tyshqandarynyń inderin tereń dýstatsııalaýǵa respýblıkalyq bıýdjetten 26 mln-nan astam qarajat bólindi.
