Qyzylorda oblysynda shyny zaýytynyń qurylysy bıyl aıaqtalady
QYZYLORDA. QazAqparat - Qyzylorda oblysynda shyny zaýytynyń qurylysy bıyl aıaqtalady, dep habarlaıdy QazAqparat tilshisi.
Óńirde ındýstrııalandyrý baǵdarlamasy aıasynda quny 543 mlrd. teńgeni quraıtyn 46 joba júzege asyrylýda. Nátıjesinde 7 myńnan astam jumys orny qurylady. Byltyr 5 joba iske qosyldy. 10 joba qurylys ındýstrııasy salasyna baǵyttalǵan.
«Іri strategııalyq jobamyzdyń biri – shyny zaýytynyń qurylysy bıyl aıaqtalady. Kásiporynnyń aıasynda birneshe ilespe kásiporyndar qurý boıynsha jumystar bastaldy. Qazir 2 ilespe joba - shyny talshyqtary men kompozıttik materıaldar jáne aına óndirisi boıynsha jobalaý jumystary júrgizilýde. Qurylys ındýstrııasy salasynda aldaǵy ýaqytta keramzıt, armatýra, 2 asfaltbeton shyǵaratyn zaýyttary ashylyp, qurǵaq qurylys qospalaryn óndiretin tseh keńeıtiledi», - dedi oblystyq ındýstrııalyq-ınnovatsııalyq damý basqarmasynyń basshysy Rınat Sultangereev.
Óńirdiń ereksheligine sáıkes 46 jobanyń ishinde agroónerkásip salasyndaǵy jobalardyń 26-nyń úlesi basym. Onyń ishinde, 3 joba byltyrǵy jyly iske qosyldy. Olar Aral aýdanynda eki balyq óńdeý tsehy, Jalaǵash aýdanynda tyńaıtqyshtar shyǵaratyn «Agrohım Servıs» seriktestigi. Bıyl osy salada taǵy 2 joba iske qosylmaq.
