Qyzylorda oblysynda saılaýshylar tizimi jasalýda
QYZYLORDA. QazAqparat - QR Parlament Májilisi jáne máslıhat depýttattaryn saılaýyna Qyzylorda oblysynda daýys berýshi 492 443 azamattyń tizimi jasaldy, dep habarlaıdy QazAqparat tilshisi.
«Óńirde barlyǵy 516 saılaý komıssııasy ornalasqan. Olardyń 9-y aýmaqtyq (63 adam), 134-i okrýgtik (670 adam), 373-i ýchaskelik (2649 adam) saılaý komıssııasy. Onda barlyǵy 3382 adam qyzmet atqarady. Barlyq saılaý komıssııa múshelerine oqytý jáne ádistemelik baǵyt-baǵdar berý úshin arnaıy oqytý-semınary júrgizilýde. Saılaýshylardyń daýys berý ýchaskesin naqtylaý úshin telegram bot jáne «Smart Qyzylorda» mobıldi qosymshasy arqyly «Ózińdi saılaýshylar tiziminen tekser» servısi iske qosylǵan. Oǵan qosa 109 call-ortalyǵy jumysyn bastady», - dep málim etti Qyzylorda oblystyq saılaý komıssııasynan.
