Qyzylorda oblysynda salyqtan jaltarǵan kásipker memleketke 136 mln teńge shyǵyn keltirgen

NUR-SULTAN. QazAqparat - QR Qarjy mınıstrligi Qarjy monıtorıngi komıtetiniń Qyzylorda oblysy boıynsha ekonomıkalyq tergeý departamenti iri kólemde bıýdjetke tólenetin salyqtar men basqa da mindetti tólemderdi tóleýden jaltarý faktisi boıynsha sotqa deıingi tergeý bastaldy.

Komıtettiń baspasóz qyzmetiniń habarlaýynsha, bıýdjetke keltirilgen zalal kólemi 136 mln astam teńgeni qurady. Kásipkerdiń zańsyz áreketi 2014-2018 jyldar aralyǵynda júrgizilgen aýdıtorlyq tekserý kezinde anyqtalǵan.

«QR QK 245-baby 1-b. (deklaratsııany tabys etpeý ne salyq salynatyn basqa da obektilerdi, mindetti tólemderdi jasyrý jolymen deklaratsııaǵa burmalanǵan derekterdi engizý arqyly salynatyn salyqty jáne bıýdjetke tólenetin basqa da mindetti tólemderdi iri kólemde tóleýden jaltarý) tergeý isi júrgizilýde»,-delingen habarlamada.