Qyzylorda oblysynda provızorlyq statsıonar jabyldy
QYZYLORDA. QazAqparat - Qyzylorda oblysy Jalaǵash aýdanynda provızorlyq statsıonar jabyldy, dep habarlaıdy QazAqparat tilshisi.
Aýdanǵa qarasty qarasty Mádenıet aýyldyq okrýgindegi aýrýhanada sońǵy naýqas emdelip shyqty. Budan keıin provızorlyq statsıonar jabyldy. Qaterli indet dendep turǵan tusta aýrýhanadan provızorlyq jáne KVI statsıonar ashylǵan bolatyn. Onda 20 adamǵa arnalǵan oryn 105-ke jetkizildi.
«Sońǵy ýaqytta statsıonarǵa koronavırýs jáne pnevmonııamen naýqas túsken joq. Emdeý ornyndaǵy sol dıagnoz boıynsha jatqyzylǵan sońǵy 2 naýqas úıine shyǵaryldy. Nátıjesinde provızorlyq statsıonar jabyldy. Endi bul jerge dezınfektsııa jumysy júrgiziledi. Aýrýhana halyqqa qalypty jaǵdaıda qyzmet kórsetetin bolady», - dedi aýrýhananyń provızor bóliminiń meńgerýshisi Ázızbek Jámkeev.
Dárigerler provızorlyq statsıonarda em alyp, úıine asyqqan sońǵy 2 naýqasqa qurmet kórsetti. Emdelip shyqqan azamattar aldyńǵy shepte júrgen dárigerlerge rızashylyǵyn bildirdi.
Eske sala ketsek, Qyzylordada qalalyq aýrýhana qalypty jumysqa qaıta kóshti.
