Qyzylorda oblysynda prokýrordyń jańa orynbasary taǵaıyndaldy
QYZYLORDA. 8 qazan. QazAqparat - QR Bas prokýrorynyń buıryǵymen Qyzylorda oblysy prokýrorynyń orynbasary qyzmetine Rýslan Raıhanov taǵaıyndaldy.
R.Raıhanov 1978 jyly Almaty qalasynda týǵan. Joǵary bilimdi zańger. Qadaǵalaý salasyndaǵy eńbek jolyn 1999 jyly bastaǵan. Ár jyldary Almaty qalasynda Áýezov aýdany prokýrorynyń kómekshisi, Astana qalalyq prokýratýrasynyń basqarma prokýrory, QR Bas prokýratýrasynda departament bóliminiń prokýrory, aǵa prokýror qyzmetterin atqardy. 2008-2011 jyldar aralyǵynda keden organdarynda eńbek etti. Odan keıin prokýratýraǵa qaıtyp oraldy.
Búginge deıin Bas prokýratýrada apparat basshysynyń orynbasary - basqarma bastyǵy laýazymyn atqaryp keldi.
