Qyzylorda oblysynda pnevmonııanyń aýyr túrine shaldyqqan naýqastar sany azaıdy

Premer-Mınıstrdiń orynbasary Eraly Toǵjanov Qyzylorda oblysyna sapary barysynda jergilikti birqatar medıtsınalyq mekemelerdiń jumys barysymen tanysyp, dári-dármekpen qamtamasyz etý jaǵdaıyna nazar aýdardy.

Oblystyq jedel járdem stantsııasy dárigerlerimen júzdeský barysynda Eraly Toǵjanovqa oblys ákimi Gúlshara Ábdiqalyqova aımaqtaǵy jedel járdem jumysy mobıldi qyzmetti iske asyrý arqyly oń kórsetkishke qol jetkizgenin aıtyp ótti.

Sonyń nátıjesinde turǵyndar tarapynan shaqyrtý sany tómendegen. Aımaqtaǵy epıdemıologııalyq ahýal kúrdeli kezeńde jedel járdem shaqyrtýy táýligine 2500-den asyp, dárigerlerge júkteme 2 ese artqan bolatyn. Qazir ahýal turaqtaldy, shaqyrtý sany da azaıdy.

Maýsym aıyndaǵy shaqyrý sharyqtaý shegimen salystyrǵanda qazir 52,7 paıyz azaıýy baıqalady. Al sońǵy 2 aptada jalpy oryndalǵan jalpy shaqyrý sany 39 paıyzǵa tómendedi. Onyń ishinde tynys alý joldarynyń aýrýlary 74 protsentke kemise, jedel respıratorlyq vırýsty ınfektsııa jaǵdaılary 82,5, pnevmonııa jaǵdaıy 60 paıyzǵa tómendegen.

Pnevmonııa jaǵdaıymen shaqyrý kóp kezinde naýqastardyń 85 paıyzy statsıonarǵa jatqyzyldy. Al qazir 45,3 paıyzy tasymaldanyp, jatqyzý kórsetkishi 79,3 paıyzy qurap otyr. ıAǵnı, aýyr túrdegi naýqastardyń azaıǵany baıqalady.

Vıtse-premer jedel járdem stansasynyń shaqyrtýlardy qabyldaıtyn dıspetcher bólimindegi Sall-ortalyqtyń jumys protsesin baqylady. Epıdemıologııalyq kúrdeli ýaqytta munda ár dıspetcher kúnine 150 qońyraý qabyldap kelgen. Búginde shuǵyl qońyraýlar azaıǵan.

Sondaı-aq, Eraly Toǵjanov kópbeıindi Qyzylorda oblystyq aýrýhanasynyń jumysymen tanysty.

Kópbeıindi oblystyq aýrýhana 1998 jyly paıdalanýǵa berilgen. Aýrýhanada jalpy 525 tósek orny bar. Aýrýhanada 17 ókpeni jasandy jeldetý apparaty, 300 ottegi ballony, 6 ottegi kontsentratory bar. Bir táýlikte 60 ottegi ballonyn paıdalaný qajet etiledi.

Naýqastarǵa arnalǵan 30 tósek-oryndyq ınfektsııalyq statsıonar, 70 fıltr bólmesi uıymdastyrylǵan. Fıltr bólmeleriniń ishinde 13 oryn jansaqtaý bólimine arnalǵan. Búgingi kúni statsıonarda - 7, fıltr bólmelerinde - 38 adam emdelýde.

Búgingi kúni Qyzylorda oblysy boıynsha 328 dárihana, dárihana pýnkteri farmatsevtıkalyq qyzmetpen aınalysady. Onyń 178-i Qyzylorda qalasynda ornalasqan. Іndettiń taralmaýyna qajetti dári-dármektiń ýaqytyly jetýi jáne baǵasynyń negizsiz kóterilmeýin arnaıy monıtorıng toby baqylaýda ustaıdy.

Búgingi kúnge deıin monıtorıng toby qaladaǵy 9 emhana men «SQ-Farmatsııa» JShS dárilik qoımasyna, 86 dárihanaǵa monıtorıng júrgizdi. Sonyń nátıjesinde aımaqta dárihanalardaǵy uzyn-sonar kezek azaıdy.

Dárihanada halyq tarapynan únemi suranystaǵy Eýffelın», «S» vıtamıni, «Sýmamed», «Tsıprolet», «V» vıtamınder kesheni «Mılgamma», «Remaberın», «Polıoksıdonıı», «Oflo» sekildi dárilik zattary kelip túsedi.

Vıtse-Premer oblystaǵy dárilik zattardyń jetkilikti bolýyn qamtamasyz etýdi jáne halyq suranysyndaǵy dárilerdiń udaıy jetýin nazarǵa alýdy jetkizdi.

Eske sala keteıik, búgin Qyzylorda oblysyna jasaǵan sapary barysynda Eraly Toǵjanov qaterli indetpen kúreste halyqtyń da jaýapkershiligi úlken ekenin atap ótti .