Qyzylorda oblysynda páter terezesinen bıyl 9 búldirshin qulap ketken

QYZYLORDA. QazAqparat – Qyzylorda oblysynda bıylǵy jyl basynan kópqabatty turǵyn úı terezelerinen 9 búldirshin qulap, ártúrli jaraqat aldy. Bul jóninde oblystyq tótenshe jaǵdaılar departamentiniń bólim bastyǵy Nurbol Isanov málim etti, dep habarlaıdy QazAqparat tilshisi.

«Ata-analardan balalardy eresek adamdardyń qadaǵalaýynsyz qaldyrmaýdy suraımyz. Jyl basynan beri kópqabatty turǵyn úı terezelerinen 9 búldirshin qulap ketti. Olar ártúrli jaraqat aldy. Bireýi balalar aýrýhanasynyń jansaqtaý bóliminde em alýda. Osyǵan oraı turǵyndarǵa balalardy qaraýsyz qaldyrmaý, tereze aldyna shyǵarmaý, basqa da qaýipsizdik sharalaryn qatań saqtaý qajettigin eskertemiz», - dedi N. Isanov.

Eske salsaq, budan buryn Qyzylordada eskeksiz qaıyqpen kól ortasynda qalyp qoıǵan 3 adam qutqarylǵanyn jazǵan bolatynbyz.