Qyzylorda oblysynda paramen ustalǵan bes azamat jazasyn aldy
QYZYLORDA. 6 mamyr. QazAqparat /Jańagúl Serdaly/ - Qyzylorda oblysynda para alyp jáne berip jatqan kezderinde qolǵa túsken 5 azamat ártúrli merzimderge bas bostandyqtarynan aıyryldy.
Bul týraly oblystyq ekonomıkalyq qylmysqa jáne sybaılas jemqorlyqqa qarsy kúres departamenti bastyǵynyń orynbasary Rústem Aqmyrzaev málimdedi.
Qarjy polıtseıleri ústimizdegi jyldyń alǵashqy toqsanynda sybaılastyq sıpaty bar 23 qylmystyń betin ashty. Bulardyń basym bóligi paraǵa qatysty bolyp shyqty. Solardyń biri - Aral aýdany Qosjar aýyldyq okrýginiń ákimi Sh.Dáribaev eki jylǵa bas bostandyǵynan aıyryldy. Ol óz okrýgindegi qarjylaı bylyqtarǵa kóz jumyp qaraýlary úshin qarjy polıtseılerine para bermekshi bolǵan. Al ZK-169/4 mekemesiniń bastyǵy jazasyn ótep jatqan adamnan 45 myń teńge kóleminde «syıaqy» alǵany úshin temir tordyń arjaǵynan shyǵyp otyr. Sondaı-aq Aral aýdandyq mádenıet jáne tilderdi damytý bóliminiń bastyǵy men ZK-169/5 mekemesi bastyǵynyń orynbasary ústerinen de qylmystyq ister qozǵaldy.
Jalaǵash aýdany ákiminiń orynbasary óziniń sýbsıdııa bólý jónindegi komıssııanyń tóraǵasy bolyp otyrǵanyn jeke múddesine paıdalanyp, jubaıy basqaratyn «Baba» jeke sharýashylyǵyna 500 myń teńge kóleminde qarjyny zańsyz bóldirgen. Bul derekke qatysty da qylmystyq is qozǵaldy.
