Qyzylorda oblysynda oıynshyqtardan qaýipti zattar anyqtaldy
Qyzylorda oblysynyń sanıtarııalyq-epıdemıologııalyq baqylaý qyzmetiniń mamandary jyl basynan beri ónimderdiń qaýipsizdigin monıtorıngileý maqsatynda 21 saýda ornynan barlyǵy 343 synama satyp aldy. Olardyń 73,5 paıyzy taǵam ónimderi bolsa, 26,5 paıyzyn tamaq emes ónimder qurady.
Saraptama nátıjesinde atalǵan ónimderdiń 30-y tehnıkalyq reglamentterdiń talaptaryna saı kelmeı shyqty. Atap aıtqanda, 4 ónimnen mıkrobıologııalyq kórsetkishter boıynsha sáıkessizdik tirkeldi. Іshek taıaqshalary tobynyń bakterııasy taýyq etinen, sútten jáne tushparadan tabylsa, shaıdan zeń anyqtaldy. Mundaı azyq-túlikti paıdalaný túrli ishek ınfektsııalary men taǵamnan ýlaný jaǵdaılaryna alyp kelýi múmkin.
«Al fızıkalyq-hımııalyq kórsetkishter boıynsha 4 ónimnen, tańbalanýy boıynsha 24 ónimnen buzýshylyqtar tirkeldi. Al balalar oıynshyǵynyń 2 úlgisinen farmaldegıdtiń shamadan tys mólsheri anyqtaldy. Bul hımıkattyń kólemi ruqsat etilgen deńgeıden asyp ketse toksıkologııalyq ýlaný qaýpin týyndatady. Sáıkessizdik anyqtalǵan eki oıynshyq ta Qytaıda óndirilgen. Sondyqtan balalarǵa oıynshyq satyp alarda qaýipsizdiq qujatynyń bolýyna mán berýge keńes beremiz», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
Eske salsaq, Qyzylorda oblysynda 69 myńnan astam jasóspirim vaktsına saldyrdy.
