Qyzylorda oblysynda ótken jyly qylmys sany eki eseden astam ósip ketken - Álimhan Ábjanov
QYZYLORDA. 16 aqpan. QazAqparat - Qyzylorda oblysynda ótken jyly jalpy qylmystar sany onyń aldyndaǵy jylmen salystyrǵanda eki eseden astam ósip ketken.
Bul týraly keshe oblystyq Іshki ister departamentinde BAQ ókilderimen kezdesken departament basshysy, polıtsııa polkovnıgi Álimhan Ábjanov málimdedi.
Basqarma bastyǵynyń baıandaýynsha, jalpy qylmys burynǵy 2745-ten 6495-ke kóbeıgen. Sonyń ishinde aýyr túrleri 67 paıyzǵa (302-den 505-ke), asa aýyr túrleri 50 paıyzǵa (28-den 42-ge) artqan. Kisi óltirý qylmystary 58 paıyzǵa ósip, olardy ashý 19 paıyzǵa tómendegen. Bul negizinen ótken jyldarda iz-túzsiz joǵalǵan 5 azamatqa arnalǵan izdestirý isteriniń qaıta zerdeleýi negizinde joǵarylap otyr.
Byltyr tirkelgen uıaly telefon urlyǵy 4 eseden astamǵa (312-den 1595-ke), mal urlyǵy 3 eseden astamǵa (171-den 694-ke) kóbeıgen. Degenmen de, qabyldanǵan sharalardyń nátıjesinde uıaly telefon urlyǵynyń tórtten biri, al mal urlyǵynyń úshten bir bóliginen astamy ashylyp, barlyǵy 31 qylmystyq top quryqtalyp, urlanǵan 970 mal basy zańdy egelerine qaıtaryldy.
Mysaly, Jańaqorǵan aýdanynda burynǵy keden qyzmetkeriniń basqarýymen mal urlyǵyn kásip etken qylmystyq top quryqtalyp, olardyń 20 shaqty mal urlyqtaryna qatystylyǵy dáleldendi. Sonymen birge 2012 jyldyń qańtar aıynda oblys ortalyǵynda mal urlyǵyn jasaǵan burynǵy polıtsııa qyzmetkeriniń basqarýymen 4 adamnan jasaqtalǵan qylmystyq top áshkerelendi.
