Qyzylorda oblysynda ótken táýlikte 4 adam koronavırýs juqtyrǵan

QYZYLORDA. QazAqparat - Qyzylordada koronavırýs ınfektsııasyna baılanysty aqyly negizde synama tapsyrǵan 46 jastaǵy er adamnyń qaterli indet juqtyrǵany anyqtaldy, dep habarlaıdy QazAqparat tilshisi.

Sońǵy táýlikte Qyzylorda oblysynda aýrý belgisi bar koronavırýs ınfektsııasyn juqtyrýdyń 4 jaǵdaıy tirkeldi. Olardyń 2-ýi Qyzylorda qalasynda tursa, 2 deregi Jańaqorǵan aýdanynda tirkeldi. Naýqastar 1994, 1981, 1971 jyly dúnıege kelgen áıel, 1974 jylǵy týǵan er adam.

«PTR analızderi 3 adamnan aýrý juqtyrǵan adamdarmen qarym-qatynasta bolýyna baılanysty alynǵan. Al 1 adam ózdiginen aqyly negizde synama tapsyrǵan. Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazir patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblysynyń taýarlar men kóretiletin qyzmetterdiń sapasy men qaýipsizdigin baqylaý departamenti.

Qazir Qyzylorda oblysynda koronavırýs ınfektsııasyn juqtyrǵan 456 adam tirkelgen.

Onyń ishinde Aralda - 49, Qazalyda - 7, Syrdarııada - 27, Shıelide - 74, Jańaqorǵanda - 51, Qarmaqshyda - 7 jáne Qyzylorda qalasynda - 241 adam. Emdelip shyqqandar sany - 281 adam.