Qyzylorda oblysynda «Open space» formatynda 35 memlekettik mekeme jumys isteıdi

QYZYLORDA OBLYSY. QazAqparat - Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen Qyzylorda oblysynyń ákimi Qýanyshbek Ysqaqov «Open Spase» formatyndaǵy jumys isteıtin birqatar mekemelerge bardy.

«Open Space» tehnologııasynyń basty maqsaty qyzmet alýshylarǵa qolaıly jáne kedergisiz jaǵdaılar jasaý, sybaılas jemqorlyq táýekelderiniń aldyn alý. Bul halyqtyń memlekettik organdardyń jumysyna degen seniminiń artýy men ekeýiniń arasyndaǵy baılanysty nyǵaıta túsip, turmystyq sybaılas jemqorlyq kórinisteriniń túbegeıli joıylýyna múmkindik beredi.

Búgingi kúnde óńirde «Open Spase» formatynda 35 memlekettik mekeme qyzmet etýde. Memlekettik mekemeler qyzmet barysyn ashyq alańda azamattarǵa kedergisiz túrli qyzmet túrin kórsetedi.

Alık Shpekbaevqa ashyq formattaǵy qyzmet kórsetý ortalyqtarynyń biri «Úlgili sot» jobalyq keńseniń jumysymen oblystyń bas sýdıasy Qambar Nuryshev tanystyryp, azamattar osy jerden sot aktilerine shaǵym jasaý jáne ótinishtermen júginý tártibin túsindirý, basqa da keńeıtilgen aqparattandyrý jumystaryn turaqty túrde júrgizip otyratynyn jetkizdi.

Munymen qosa, 2017 jyldan beri «bir tereze» qaǵıdasy boıynsha iske asyrylyp keletin azamattardyń memlekettik jáne quqyqtyq organdarǵa senim deńgeıin arttyrý, sapaly quqyqtyq qyzmetter alýǵa bolatyn «Quqyq qorǵaý qyzmetteri ortalyǵyna» bardy.

Alık Shpekbaev «Búgingi memlekettik apparat – ol azamattarǵa kedergisiz qyzmet pen jan - jaqty qoldaý kórsetetin bolýy qajet», - dedi kezdesý barysynda.

Búgingi tańda aýmaqtyq departament pen oblys ákimdigi «Open Spase» formatyna kóshirý jumystary odan ári jalǵastyryla beredi.