Qyzylorda oblysynda Nazarbaev Zııatkerlik mektepteriniń zamanaýı oqytý tájirıbelerin bólisti
QYZYLORDA. QazAqparat - Qyzylordada oblys ákimi Qyrymbek Kósherbaev, «Nazarbaev Zııatkerlik mektepteri» DBBU tóraıymy Kúlásh Shamshıdınova, bilim-ǵylym salasynyń ádiskerleri men mamandarynyń qatysýymen «Jańa bilim berý baǵdarlamalary, ınnovatsııalar jáne quzyrettilik tásil - tabysty mektepke qadamdar» taqyrybynda dóńgelek ústel ótti.
- 2016 jyly ınnovatsııalyq mektepterdiń aǵylshyn tili jáne ınformatıka pánderi muǵalimderiniń biliktilikterin jetildirýge 124 mln. teńge bólinip, 500-ge jýyq ustaz arnaıy oqýdan ótti. Pedagog mamandardyń kásibı biliktiligin arttyrýmen qatar, mektepterdiń materıaldyq tehnıkalyq bazasy da jańarýda,- dedi aımaq basshysy.
«Nazarbaev Zııatkerlik mektepteri» DBBU tóraıymy Kúlásh Shamshıdınova bolsa, óz sózinde ozat tájirıbeni, zamanaýı oqytý ádisteri men tehnologııalaryn oblysta taratý úshin pedagogıkalyq sheberlik ortalyǵynyń 30 jetekshi mektebi, onyń ishinde 22 ınnovatsııalyq jáne bastaýysh mektep, oqý baǵdarlamalarynyń jańa standartyn synamalaý júrgiziletin 2 ilki mektep anyqtalǵandyǵyn atap ótti. «Jetekshi mektepterge 242 magnıttik mektep qosyldy. Pedagogıkalyq sheberlik ortalyǵy aýyldyq mektepterge ádistemelik kerýen uıymdastyrdy»,- dedi ol.
Dóńgelek ústelge qatysýshylar «Nazarbaev Zııatkerlik mektepteri» DBBU-nyń oqytý protsesterin negizge ala otyryp, áleýmettik mańyzy bar jańa jobalardy júzege asyrý tájirıbelerimen bólisti.
