Qyzylorda oblysynda muz astyna túsip ketken bes adamnyń máıiti shyǵaryldy
QYZYLORDA. QazAqparat - Qyzylorda oblysynda muz astyna túsip ketken bes adamnyń máıiti shyǵaryldy. Bul týraly oblystyq TJD baspasóz qyzmeti habarlady.
«Keshe 13 saǵat 51 mınýt shamasynda Qyzylorda oblysy Aral aýdany Amanótkel aýylynyń tusynda «ÝazFermer» avtokóligimen Syrdarııa ózeniniń muz ústinen ótý barysynda Aral aýdanynyń turǵyndary A. Ábdikerov 1977 j.t., N.Ábdikerov 1991 j.t., B.Ońǵarov 1980 j.t., B.Sadyqov j.t., jáne Qazaly aýdanynyń turǵyny A.Ábilov 1974 j.t. sýǵa batyp ketken.
17 saǵat 40 mınýtta «ÝazFermer» avtokóligine tıelgen Ýral markaly mototsıkli jáne ishindegi 5 adamnyń máıiti Qyzylorda oblysy TJD-niń Sýda qutqarý qyzmeti jeke quramy (4 adam), 1 birlik tehnıka, 1 arnaıy kótergish krannyń kómegimen kóterilip, jaǵaǵa shyǵaryldy», - dep jazylǵan habarlamada.
