Qyzylorda oblysynda muǵalimderdiń 95%-y koronavırýsqa qarsy vaktsına saldyrdy

QYZYLORDA. QazAqparat - Qyzylorda oblysynda jalpy bilim beretin mektepterde qyzmet atqaratyn 22180 muǵalimniń 95%-y koronavırýsqa qarsy vaktsına saldyrdy, dep habarlaıdy QazAqparat tilshisi.

2020-2021 oqý jylynda muǵalimder arasynda koronavırýs ınfektsııasynyń zerthanalyq rastalǵan 108 jaǵdaıy tirkeldi. Onyń 40%-y offlaın formatta sabaq bergen pedagogtar.

«Al jańa oqý jylynyń basynan búgingi kúnge deıin 22 muǵalim osy aýrýǵa shaldyqty. Degenmen olardyń 17-i mekteppen baılanysty emes. Sebebi, eńbek jáne bala kútimine baılanysty demalysy kezinde úı oshaǵyndaǵy qarym-qatynastar arqyly juqtyrǵan. Olar bilim berý uıymyna barmaǵan. Al 5 jaǵdaı jańa oqý jylyn offlaın formatta bastaǵan oqytýshylar arasynda anyqtaldy», - dedi oblystyq sanıtarııalyq-epıdemıologııalyq baqylaý departamentiniń bólim basshysy Almash Shýaqbaeva.

Vedomstvo málimetinshe, búgingi kúni qarym-qatynasta bolǵan adamdardyń barlyǵy medıtsınalyq baqylaýǵa alyndy. Aýrý oshaqtarynda epıdemııaǵa qarsy barlyq sharalar oryndaldy.

Eske salsaq, Qyzylordada jańa oqý jylynda 102 oqýshy koronavırýs juqtyrdy.