Qyzylorda oblysynda monıtorıngtik toptar jyl basynan beri 382 nysanǵa tekserý júrgizgen
QYZYLORDA. QazAqparat - Qyzylorda oblysy boıynsha COVID-19 ınfektsııasynyń 3 463 deregi esepke alynǵan. Oblys boıynsha tirkelgen derekterdiń basym bóligi, 2 131 jaǵdaı Qyzylorda qalasynyń úlesinde.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram arnasyna silteme jasap habarlaıdy.
Aýdandar arasynda: Jańaqorǵan aýdanynda – 374 jaǵdaı, Shıeli aýdanynda – 291, Syrdarııa aýdanynda – 186, Qarmaqshy aýdanynda – 162, Jalaǵash aýdanynda – 115, Aral aýdanynda – 107 jaǵdaı, Qazaly aýdanynda – 96 jaǵdaı esepke alynǵan.
COVID-19 barlyq tirkelgen jaǵdaılardyń 57,7%-i skrınıngtik tekserý nátıjesinde anyqtalǵan, 39,9%-i qarym-qatynas arqyly juqtyrylǵan, 2,4%-i syrttan tasymaldanǵan. Oblys kóleminde COVID-19-dyń 2 150 oshaǵy anyqtalyp, zalalsyzdandyrý jumystary júrgizilgen. Naýqastarmen qarym-qatynasta bolǵan adamdardyń barlyǵy 14 kúnik medıtsınalyq baqylaýǵa alynǵan.
2020 jyldyń qyrkúıek aıynan bastap 26 oqýshy COVID-19 aýrýyna shaldyqqan. Onyń ishinde 2 oqýshy dástúrli formatta oqysa, qalǵan 24 oqýshy qashyqtan bilim alady. Búgingi kúni oblysta dástúrli formatta oqıtyn mektepter sany-123, al qashyqtan oqytatyn mektepter sany-178. Oblys boıynsha jasaqtalǵan 2 598 kezekshi topta 1-5 synyptar boıynsha 42 822 oqýshy bilim alsa, 9-synypta 13 252 oqýshy, 11-synypta 7 004 oqýshy ІІІ toqsannan bastap sabaqty aralas formatta oqı bastady.
2021 jyldyń 1 qańtarynan beri 24 monıtorıngtik top 382 nysanǵa tekserý júrgizgen, nátıjesinde 9 nysannyń karantın talaptaryn buzǵandyǵy anyqtaldy. Onyń ishinde, 6 nysan bekitilgen shekti ýaqyttan asyryp jumys istegen bolsa, 1 kafede januıalyq toptyq shara ótkizilgen jáne úı jaǵdaıynda merekelik-kópshilik is-sharalar uıymdastyrýdyń 2 jaǵdaıy anyqtaldy. Anyqtalǵan buzýshylyqtar boıynsha jalpy kólemi 652 830 teńgege ákimshilik aıyppul salyndy.
