Qyzylorda oblysynda modýldi ınfektsııalyq statsıonar jabyldy

QYZYLORDA. QazAqparat - Qyzylorda oblysynda 200 oryndy modýldi ınfektsııalyq statsıonar jabyldy, dep habarlaıdy QazAqparat tilshisi.

Óńirde koronavırýs ınfektsııasyna baılanysty epıdemıologııalyq ahýal turaqty.

Oblys boıynsha ınfektsııalyq statsıonarda - 10, jansaqtaý bóliminde - 3 naýqas emdelýde.

Oblystaǵy epıdemıologııalyq ahýaldyń jaqsarýyna baılanysty 3 naýryzdan bastap 200 oryndy modýldi ınfektsııalyq statsıonar jabyldy.

«Endigi kezekte bul aýrýhana qaıta beıimdelip, basqa profıldi aýrýhana retinde jumys isteıdi. Sondaı-aq, barlyq egý pýnkti tek jumys kúnderi ǵana qyzmet kórsetedi. Al senbi jáne jeksenbide demalys. Oblysta vaktsınatsııa jumystary jalǵasa beredi. Osy indetke qarsy ekpelerdiń kúshimen koronavırýs ınfektsııasy jaı tumaýǵa uqsas aýrý retinde qalýy múmkin. Degenmen oblys turǵyndary saqtyq sharalaryn umytpaǵany abzal», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Eske salsaq, Qyzylordada ekpe qabyldaýǵa qabiletti turǵyndardyń 94,5 paıyzy vaktsına saldyrdy.