Qyzylorda oblysynda menıngıt aýrýy tirkeldi
QYZYLORDA. QazAqparat - Qyzylorda oblysy Jańaqorǵan aýdanynda menıngokokk ınfektsııasynyń alǵashqy jaǵdaıy tirkeldi. Qaterli dertke shaldyqqan 1991 jyly azamat aýdandyq aýrýhanaǵa jatqyzyldy, dep habarlaıdy QazAqparat.
Qazirgi tańda naýqastyń densaýlyǵy birqalypty, dárigerlerdiń baqylaýyna alynǵan.
Atalmysh jaǵdaıǵa baılanysty Qyzylorda oblystyq densaýlyq saqtaý basqarmasy janynan arnaıy shtab quryldy. Mamandar epıdemııaǵa qarsy jáne aldyn alý sharalaryn uıymdastyrýda.
«Naýqaspen tyǵyz qarym - qatynasta bolǵan 11 azamat anyqtaldy. Qazir bul kisiler dárigerlerdiń qatań baqylaýyna alyndy. Menıngokokty ınfektsııa syrqat adamnan aýa jáne tamshy arqyly taralatyny belgili. Osy rette, turǵyndar saqtyq sharalaryna mán bergeni durys. Aldaǵy ýaqytta vaktsınatsııa jumystary atqarylatyn bolady», - dep málim etti Qyzylorda oblystyq densaýlyq saqtaý basqarmasynyń baspasóz hatshysy Nurjamal Tursynbaeva.
Aınur Tóleshova
