Qyzylorda oblysynda membaǵdarlamalarǵa bólingen 284 mln teńge jymqyrylǵan
Bul másele Qyzylorda oblysy boıynsha Ekonomıkalyq tergeý departamentiniń 2020 jyldyń jumys qorytyndysy boıynsha jedel májilisinde aıtyldy. Departament mamandary memlekettik jáne kvazımemlekettik sektorda bıýdjet qarajatyn jymqyrýǵa qarsy kúres baǵytynda nátıjeli jumystar atqarǵan.
Máselen, memlekettik baǵdarlamalar aıasynda bólingen bıýdjet qarajatyn jymqyrý boıynsha qylmys quramy bar 8 derek anyqtaldy. Negizinen «Balapan», «Jumyspen qamtý jol kartasy», «Densaýlyq», «Dinı ekstremızm men terrorızmge qarsy turý» baǵdarlamalary boıynsha qarajattardy maqsatsyz paıdalaný jáne jymqyrý oryn alǵan. Anyqtalǵan zalal somasy 283 mln 982 myń teńgeni qurady.
Sondaı-aq, «kóleńkege» ketken qarajattyń qomaqty bóligin qurap otyrǵan baǵyttardyń biri – jalǵan schet-faktýralardy jazý qyzmetin uıymdastyrý. ıAǵnı, jumystardy atqarýsyz schet-faktýralar jazyp berý boıynsha 2020 jyly 6 derek anyqtaldy. Bul salada anyqtalǵan zalal 438 mln 077 myń teńgeni qurady.