Qyzylorda oblysynda medıtsınalyq klaster qurylýda
ASTANA. QazAqparat - Qyzylorda oblysynyń Qazaly aýdanynda medıtsınalyq klaster qurylmaq, dep habarlaıdy QazAqparat.
Qazaly aýdanynda ótken jyly qurylysy bastalǵan 150 oryndyq aýrýhana osy aıda paıdalanýǵa berilmek. Bul týraly Óńirlik kommýnıkatsııalar qyzmetinde ótken baspasóz konferentsııasynda Qazaly aýdanynyń ákimi Murat Ergeshbaev málimdedi.
Qazirgi tańda zamanaýı medıtsınalyq qural-jabdyqtarmen jabdyqtaý máseleleri sheshilýde. Oblys ákiminiń tikeleı qoldaýymen «Angıograf» medıtsınalyq apparaty alynyp, Reseı eliniń mamandarymen kelisim jasalyndy. Qazir jańa ǵımaratqa kóshý jumystary júrgizilip jatyr. Bul koronarografııa jasaıtyn apparat aýdandar ishinde tek Qazalyda ǵana bar.
Sonymen qatar, jańa aýrýhana janynan aýdandyq emhana salý josparlanýda. 250 kelýshige arnalǵan emhana qurylysyn salý jobasynyń qujattaryn ázirleýge oblystyq bıýdjetten 16,7 mln teńge bólindi. 100 oryndyq týberkýlezge qarsy aýrýhana jumys jasaıdy.
Aıta keteıik, Qazaly aýdanynda turǵyndardyń densaýlyǵyn jaqsartý kún tártibinen túsken emes. Esepti kezeńde 1381 týylym, 343 ólim tirkelgen. Aýdanda ana ólimi joq. Sábıler shetineýiniń kórsetkishteri tómen, ıaǵnı 9-6,5 tústi. Týberkýlezge shaldyqqandar sany da aıtarlyqtaı azaıǵan.
