Qyzylorda oblysynda medıtsına salasyna basa mán berilýde
ASTANA. QazAqparat - 2017 jyldyń 6 aıynda oblysta bala ólimi kórsetkishi 53,5%-ǵa tómendedi, al ana ólimi birde bir ret tirkelgen joq. Bul týraly Qyzylorda oblysynyń bas dárigeri Aqmaral Álnazarova jergilikti BAQ ókilderimen bolǵan brıfıngte málimdedi.
Atalǵan máseleniń aldyn alý maqsatynda oblystyq balalar aýrýhanasy janynan ashylǵan 6 tósek-oryndyq neonataldy hırýrgııa bólimshesine jergilikti bıýdjetten bólingen 42 mln teńge bólinip, medıtsınalyq-qural jabdyqtar alynǵan.
«Bıylǵy jyldyń 6 aıynda alǵash ret óńirde keýde kletkasynyń deformatsııasyna, julyn-mı jaryǵy, jaıylǵan perıtonıtke, bas súıegi defektisine, gıdrotsefalııamen týǵan 21 nárestege ota jasalyndy», - dedi Aqmaral Álnazarova.
Sonymen qatar oblysta 5 jasqa deıingi balalardyń aýrýshańdyǵyn tómendetý, ólim-jitimdi boldyrmaý jáne balalardyń fızıkalyq-psıhıkalyq jetilýine jaqsartýǵa múmkindik týǵyzatyn «Tıimdi tehnologııalar trenıngtik ortalyǵy» ashylǵandyǵyn atap ótildi.
«Ortalyqqa jergilikti bıýdjetten 7,5 mln tenge bólinip, 1 077 medıtsına qyzmetkerleri balanyń aýrýlaryn yqpaldastyra emdeý baǵdarlamasymen oqytyldy», - dedi aımaqtyń bas dárigeri.
Onyń aıtýynsha, bul - medıtsına qyzmetker arasynda bala kútimine baılanysty biliktilikti arttyryp, aýrýshańdyq deńgeıin erte anyqtaýǵa múmkindik beredi.
Basqarma basshysynyń aıtýynsha, negizgi jumystar «Densaýlyq» baǵdarlamasy aıasynda júrgizilýde. Baǵdarlama aıasynda 203 is-shara atqarylyp, 28 nysanaly ındıkatorǵa qol jetkizý maqsaty tur. Jospardyń basty maqsaty - oblys turǵyndarynyń kútiletin ómir súrý uzaqtyǵyn 72,1 jasqa jetkizý. Bıylǵy jylǵa mejelengen jas 71,91 bolsa, respýblıkada 72,2 jas.
Salanyń basty tetigi - kadr máselesi. Ótken jyly kadr áleýetin arttyrý úshin, 3 jyldyq perspektıvaly jospar bekitilgen. Mamandardy oqytý, qaıta daıarlaý jáne biliktiligin jetildirý úshin oblys bıýdjetinen 60 mln teńge bólingen. Bıylǵy jyldyń jarty jyldyǵynda 34 qajetti mamandar qaıta oqytylyp, 828 dáriger, 556 meıirbıke biliktiligin arttyrýda.
Sońǵy eki jyl qatarynan oblys úshin qajetti mamandardy rezıdentýraǵa daıyndaý maqsatynda oblys ákiminiń granty bólinip keledi. Byltyr 11 rezıdent, bıyl 20 úmitker atalmysh grantqa ıe boldy.
Mamandar máselesiniń sheshilýi nátıjesinde, emhanadaǵy dárigerlik aımaqtaǵy halyq sanyn 2 200-den 1 800-ge deıin tómendetildi. 2019 jylǵa 1 500-ǵa deıin kezeń - kezeńimen azaıtý josparlanýda. Osyǵan oraı, jyl basynan 33 jalpy dárigerlik aımaq jańadan ashyldy.
Elektrondy densaýlyq saqtaýdy damytý kontseptsııasyna sáıkes, salada medıtsınalyq uıymdardyń IT-ınfraqurylymdaryn jaqsartý júzege asyrylýda.
Qazirgi tańda, Qyzylorda oblysynyń barlyq aýmaǵynda 22 respýblıkalyq aqparattyq júıeler (Emdeýge jatqyzý bıýrosy, Bekitilgen halyq tirkelimi, Statsıonarlyq naýqastardyń elektrondyq tirkelimi, Onkologııalyq naýqastardyń elektrondyq tirkelimi, Dıspanserlik naýqastardyń elektrondy tirkelimi, Dárilik qamtamasyz etý aqparattyq júıesi jáne basqalar sııaqty) engizilgen.
Búginde oblys boıynsha jergilikti medıtsınalyq aqparattyq júıeler engizý kórsetkishi 76,5℅ qurady. Bul óz kezeginde medıtsına qyzmetkerleriniń qaǵazbastylyǵyn joıa otyryp, patsıentke kóńil bólý ýaqytyn molaıtady.
Aımaqta bıyl ana ólimi tirkelmese, sábı ólimi kórsetkishi 53,5% tómendegen. Jalpy ólim kórsetkishi byltyrǵy jyldyń osy kezeńimen salystyrǵanda 3,7% tómendep, 1 000 adamǵa shaqqanda 2,6 quraıdy.
«Ústimizdegi jyldyń 6 aıynda alǵash ret óńirde keýde kletkasynyń deformatsııasyna, julyn-mı jaryǵy, jaıylǵan perıtonıtke, bas súıegi defekttisine, gıdrotsefalııamen týylǵan 21 nárestege ota jasalyndy»,- dedi Aqmaral Álnazarova.
Ólim - jitim sebebiniń qurylymynda birinshi orynda qanaınalym júıesiniń aýrýlary - 55,9%,ekinshi orynda qaterli isikter -14,6%, úshinshi orynda -tynys júıesi aýrýlary -14,2%.
Ótken jyly jalpy ólim-jitimniń sebepteriniń 52% quraıtyn aýrýlardyń 5 negizgi nozologııasy boıynsha Jol kartalary bekitilgen bolatyn. Jol kartasy salaǵa kóptegen jaqsy nátıjelerin berýde. ıAǵnı, qaterli isik aýrýynan ólim-jitim kórsetkishi 100 myń turǵynǵa shaqqanda 5,1% tómendedi. Sondaı-aq, týberkýlezden ólim-jitim kórsetkishi 55,2%-ǵa, jaraqat, ýlaný, jazataıym jaǵdaılardan 28,2% azaıǵan.
Byltyr jedel járdem qyzmetin jetildirý maqsatynda aýdandyq jedel járdem bólimderi biriktirilip, «Kómek» biryńǵaı aqparattandyrý júıesi qyzmeti engizildi. Júıe mınýtyna 30 qońyraýǵa deıin qabyldaı alady. Jedel járdem stantsııasynda qosymsha 3 brıgada, trassa boıynda 12 tirek beketi ashyldy. 264 medıtsınalyq qyzmetkerler jedel jaǵdaılarda kómek kórsetý daǵdylaryna beıimdelgen. Jol-kólik oqıǵasy tirkelgen jaǵdaıda brıgadanyń jetý ýaqytyn azaıtý maqsatynda kartografııa jasalyp, aýtsorsıngke 10 avtokólik alynǵan. Jyl sońyna deıin lızıngke 25 avtokólik alynbaqshy.
Bıylǵy mamandandyrylǵan medıtsınalyq kómek kórsetýdi jetildirý maqsatynda №3 qalalyq emhanada ambýlatorlyq hırýrgııa ortalyǵy, qant dıabeti aýrýyna shaldyqqan naýqastarǵa medıtsınalyq kómektiń sapasyn arttyrý maqsatynda oblystyq medıtsına ortalyǵynda «Dıabetıkalyq ortalyq» ashyldy.
