Qyzylorda oblysynda mal urlyǵymen aınalysqan 26 qylmystyq top ustaldy
QYZYLORDA. QazAqparat - Qyzylorda oblysynda mal urlyǵy órship tur, dep habarlaıdy QazAqparat tilshisi.
Jyl basynan beri búgingi kúnge deıin mal urlyǵyna baılanysty 356 derek tirkelgen. Jergilikti polıtsııa qyzmetkerleri tarapynan bul baǵytta birneshe is-sharalar ótkizildi. Soǵan qaramastan mal urlap jatqandar azımaı otyr. Polıtsııa júrgizilgen is-sharalar barysynda 26 qylmystyq topty ustady.
«Mal ıeleri urlanǵan maldy izdeýde kesh qımyldap jatady. Maldy qaraýsyz qaldyrady. Olardy joǵalǵannan keıin birneshe kúnnen soń izdeı bastaıdy. Bul bizge óz qıyndyǵyn alyp keledi», - deıdi Qyzylorda oblysy ishki ister departamentiniń krımınaldy polıtsııa basqarmasynyń bastyǵy Nurbol Sáden.
Eske sala ketsek, budan buryn Qyzylorda oblysynda mal urlyǵymen aınalysqan 20 qylmystyq toptyń qolǵa túskenin habarlanǵan edi.
