Qyzylorda oblysynda qus eti tıelgen júk kóligi aýdarylyp qaldy

QYZYLORDA. QazAqparat - Qyzylorda oblysynda qustyń tartylǵan eti tıelgen júk kóligi aýdarylyp qaldy, dep habarlaıdy QazAqparat tilshisi.

Oqıǵa «Shymkent-Samara» tas jolynyń Aral aýdanyndaǵy tusynda qustyń tartylǵan eti tıelgen DAF markaly júk kóligi aýdarylyp qaldy. Joldan shyǵyp ketken júrgizýshiden basqa eshkim bolmaǵan.

«Oqıǵa barysynda jaraqat alǵandar joq. Aral aýdandyq polıtsııa bólimi tarapynan QR Ákimshilik quqyq buzýshylyq týraly kodeksiniń 620-babymen hattama toltyryldy. Eskertý túrinde shara qoldanyldy», - dep málim etti Qyzylorda oblystyq polıtsııa deprtamentinen.

Vedomstvo málimetinshe, avtokólik jáne onda tıelgen júkti tasymaldaýǵa Aqtóbeden júk kóligi shaqyrtylyp, júkti oqıǵa ornynan alyp ketti.

Eske salsaq, budan buryn Qyzylordada jol-kólik apatynan 2 adam oqıǵa ornynda kóz jumdy.