Qyzylorda oblysynda qurylys salasynda jemqorlyq qylmysy azaımaı tur
Bul túıtkildi másele QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysyndaǵy Ádep jónindegi keńesiniń kezekti otyrysynda talqylandy.
Aıta ketý kerek, sala boıynsha sybaılas jemqorlyqtyń aldyn alý, onyń jolyn kesý baǵytynda tıisti is-sharalar atqarylyp keledi. Degenmen, qurylys salasynda qylmystar men quqyq buzýshylyqtar jıi kezdesip qalady. Ótken jyly osy sıpattaǵy 20 qylmys tirkelip, 4 laýazamdy tulǵaǵa qatysty sottyń aıyptaý úkimi shyqty.
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysyndaǵy Ádep jónindegi keńes músheleri bul jóninde oblystyq qurylys, sáýlet jáne qala qurylysy basqarmasynyń basshysy Muhamedısa Álserikovke tıisti eskertpeler jasaldy. Oryn alǵan jaǵdaılardy tıisti sala mamandarynyń qatysýymen ujym arasynda talqylap, qylmystyń aldyn alý baǵytynda naqty is-sharalar josparyn bekitý usynyldy.
Ádilet QAŃTARBAEV
foto:imenno.ru