Qyzylorda oblysynda kúrish baǵasyna baılanysty 6 kompanııa tekseriledi
ASTANA. QazAqparat – QR Qarjylyq monıtorıng agenttiginiń Qyzylorda oblysy boıynsha departamenti áleýmettik mańyzy zor azyq túrlerine monıtorıng jáne taldaý júrgizip jatyr, dep habarlaıdy QazAqparat agenttiktiń baspasóz qyzmetine silteme jasap.
Baspasóz qyzmeti taratqan málimetterge qaraǵanda, monıtorıng barysynda basty nazar óńirde óndiriletin azyq-túliktiń ózindik qunyna aýdaryldy.
Departamenttiń taldaý toby kúrish óndiretin eń iri 9 kásiporynnyń baǵa belgileý jumystaryna taldaý júrgizildi. Onyń nátıjesine sáıkes, Qarjylyq monıtorıng agenttiginiń oblystyq ókildigi 6 kúrish óndiretin kompanııanyń baǵany kóterýi qanshalyqty negizdi ekendigin bilý úshin tekserý taǵaıyndady.
Ózge kásiporyndar óńirdiń áleýmettik dúkenderinde saýdalaý úshin oblystyń Turaqtandyrý qoryna arnalǵan kúrishtiń kılogramyn 420-dan 350-ge deıin túsirýge kelisti.
Qazirgi tańda áleýmettik dúkenderde kúrishtiń kılogramyn 350 teńgeden aspaıtyn baǵada saýdalaý jumystary jergilikti organdar men «Baıqońyr» áleýmettik kásipkerlik koroporatsııasy arasynda qarastyrylyp jatyr.
