Qyzylorda oblysynda Qurban aıtqa baılanysty jańa qaýly qabyldandy
Onda qurban aıt merekesi kezinde óńir turǵyndarynyń sanıtarııalyq-epıdemıologııalyq salaýattylyǵyn qamtamasyz etý jaǵdaıy eskerilgen.
Jańa qaýlyda menshik nysanyna qaramastan barlyq uıymdarda, sondaı-aq jeke úıler men meshitte adam kóp jınalatyn is-sharalardy ótkizýge tyıym salynǵany kórsetilgen.
Mal soıýdy uıymdastyrý jáne ótkizýge bolmaıdy.
«Avtokólikter men jeke turǵyn úılerde mal satýǵa tyım salynady. Atalǵan jumystar veterınarııalyq qyzmettiń resmı veterıanrııalyq-sanıtarııalyq qorytyndysyn alǵan soıý pýnkteri men alańdarda uıymdastyrýǵa ruqsat etilgen. Al mal soıý tek veterınarııalyq sertıfıkaty bolǵan jaǵdaıda jabyq rejımde tek tapsyryspen jetkizý úshin kelýshilersiz júrgiziledi. Qurbandyq shalý onlaın rejımde ótkiziledi», - dep atap kórsetilgen qaýlyda.
Sondaı-aq, oblystyń barlyq aýmaǵyndaǵy soıý pýnkterinde kúsheıtilgen memlekettik veterınarııalyq-sanıtarııalyq baqylaý jáne qadaǵalaý júrgiziledi. Kúsheıtilgen sanıtarııalyq-dezınfektsııalyq jumys rejıminiń, epıdemııaǵa qarsy rejım talaptarynyń saqtalýyna ákimdikter janyndaǵy mobıldi toptar arqyly monıtorıng júrgiziledi.
Aıta ketsek, aımaqtaǵy koronavırýs ahýalynyń kúrdelenýine baılanysty Qyzylorda oblysynyń ákimi turǵyndarǵa úndeý jasady.
