Qyzylorda oblysynda kún elektr stantsııasy salynady
Kún elektr stantsııasy Jalaǵash aýdanynda salynady. Qazirgi tańda joba saraptamadan ótkizilip jatyr. Ony ınvestorlar esebinen salý josparlanyp otyr. Atalmysh maqsatta Jalaǵash aýdany aýmaǵynan 164 gektar jer aýmaǵy bólingen.
«Bul joba Syr óńiriniń ekonomıkalyq damýyna oń áserin tıgizedi degen úmittemiz. Nátıjesinde ózge aımaqtarǵa bul jóninen táýeldilikten arylyp, tarıf baǵamyn retteýge oń áserin tıgizedi. Qazir ekologııalyq jáne ekonomıkalyq tıimdiligine saraptama júrgizildi. Osy maqsatta turǵyndar arasynda qoǵamdyq tyńdaý ótkizildi. Turǵyndar qoldaý jasap otyr», - dedi Jalaǵash aýdandyq kásipkerlik, ónerkásip jáne týrızm bóliminiń basshysy Jasulan Espenbet.
Mamandardyń aıtýynsha, atalmysh joba ústimizdegi jyly bastalyp, 2019 jyly aıaqtalady dep kútilýde. Atalmysh stantsııadan 20 volttyq tok shyǵarý oılastyrylǵan. Joba júzege asqannan keıin 15 adam turaqty eńbek kózimen qamtylady dep kútilip otyr.
