Qyzylorda oblysynda qulaǵan tikushaq: Qaza tapqandar bar

NUR-SULTAN. QazAqparat - Qyzylorda oblysynda tikushaqtyń apatqa ushyraýyna qatysty kóz jumǵandar bar, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

«2019 jyldyń 27 naýryzda QR Qarýly kúshteriniiń ÁKQ áskerı-áýe kúshteriniń tikushaǵy apatqa ushyrady. Aldyn ala málimet boıynsha, oqıǵa ornynda kóz jumǵandar bar. Kóz jumǵandar men zardap shekkenderdiń sany men jaǵdaıy anyqtalý ústinde», - delingen mınıstrliktiń habarlamasynda.

Mınıstrliktiń habarlaýynsha, atalmysh tikushaq 4 birdeı áskerı tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaıy bólimshelerdiń «Altyn jebe» keshendi oqý jáne jattyǵý aıasynda qarańǵy ýaqytta ári kúrdeli meteorologııalyq jaǵdaıda júrgizilgen.

«Qorǵanys mınıstri Nurlan Ermekbaevtyń buıryǵymen apat ornyna arnaıy qurylǵan QR Qorǵanys mınıstrliginiń komıssııa jiberildi. Qazirgi ýaqytta tórt tikushaqtyń ekeýi Qyzylorda qalasyna qondy. Al qalǵan bir tikushaq oqıǵa ornyna qaıta oraldy. Qorǵanys mınıstrligi Іshki ister mınıstrligimen birlesip, bolǵan áýe apatynyń sebebin anyqtaý maqsatynda tergeý jumystaryn júrgizip jatyr», - delingen mınıstrliktiń habarlamasynda.

Eske sala ketsek, Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn buǵan deıin habarlaǵan bolatynbyz.