Qyzylorda oblysynda qudyqqa qulap ketken 76 jastaǵy qarııa qutqaryldy
Oqıǵa búgin, 25 shildede saǵat 7.00 shamasynda Qazaly aýdanynyń ortalyǵy Áıteke bı kentinde bolǵan. Bul jóninde 112 pýltine kelip túsken shaqyrtý boıynsha aýdandyq №9 órt sóndirý bóliminiń mamandary jedel jumyldyryldy.
«Qutqarý barysynda 1947 jylǵy úı ıesiniń aýlasyndaǵy tereńdigi 4 metrlik aýyz sýǵa arnalǵan qudyqqa aǵash saty arqyly túskeni anyqtaldy. Onda sý sorǵysyn alý kezinde saty synyp ketip, qulap ketken. Mamandar azamatshany 7.26-da saty jáne qutqarý arqanynyń kómegimen syrtqa alyp shyqty. Ol jedel járdem qyzmetkerlerine tapsyryldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada tórt úıde órt bolyp, 8 sıyr órtenip ketti.
