Qyzylorda oblysynda kózi tiri 11 qart maıdanger turady
Óńirde qazir kózi tiri UOS-qa qatysýshy men múgedegi 11 ardager bar. Olardyń árqaısysyna oblystyq bıýdjetten birjolǵy materıaldyq kómek 1 mln teńgeden beriledi. Sondaı-aq, jergilikti bıýdjetten birjolǵy áleýmettik kómek 116, 6 myń teńge qarastyrylǵan.
Odan bólek, sol kezeńde tyldaǵy qajyrly eńbegi men minsiz áskerı qyzmeti úshin orden jáne medalmen marapattalǵan azamattarǵa oblystyq bıýdjetten 100 myń teńgeden, aýdandyq/qalalyq bıýdjetten 87,5 myń teńgeden birjolǵy áleýmettik kómek berilýde.
«Sondaı-aq, ekinshi ret nekege turmaǵan, qaıtys bolǵan soǵys múgedekteriniń jáne solarǵa teńestirilgen múgedekterdiń, qatysýshylardyń áıelderine 100 myń teńgeden, sol kezeńde tylda keminde 6 aı jumys istegen azamattarǵa árqaısysyna 100 myń teńgeden birjolǵy áleýmettik kómek tólenýde. Olarǵa barynsha jaǵdaı jasaý maqsatynda turmys jaǵdaıyna zertteý júrgizildi. Turǵyn-úı jaıyna jóndeý qajet bolǵan jaǵdaıda demeýshiler esebinen kómek kórsetý týraly qala jáne aýdan ákimderine usynys joldandy», - dep málim etti Qyzylorda oblysy ákimdigi baspasóz qyzmetinen.
