Qyzylorda oblysynda kóshede soqtyǵysqan eki kólik otqa orandy

QYZYLORDA. QazAqparat - Qyzylorda oblysynda kóshe boıynda soqtyǵysqan eki kólik tolyǵymen janyp ketti, dep habarlaıdy QazAqparat tilshisi.

Oqıǵa 29 qazan kúni saǵat 10.40-ta Shıeli kentindegi Joldasbekov jáne Ergeshbaev kósheleriniń qıylysynda bolǵan. Kóshe boıynda soqtyǵysqan eki kólik te órtke orandy.

«Oqıǵa ornyna №13 órt sóndirý bóliminen 5 qyzmetker 1 tehnıkamen bardy. Coqtyǵysý saldarynan «Audi 100» jáne «Daewoo Nexia» kólikteri tolyǵymen janyp ketti. Órt sóndirildi. Oqıǵadan qaza bolǵandar jáne zardap shekkender joq», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen.

Eske salsaq, budan buryn Qyzylorda oblysynda jeke úıde tabıǵı gaz júıesindegi aqaýdan jarylys boldy.