Qyzylorda oblysynda koronavırýstan eki adam jazylyp shyqty

QYZYLORDA. QazAqparat - Qyzylorda oblysynda 16 sáýirde taǵy eki adam koronavırýs ınfektsııasynan jazylyp shyqty, dep habarlaıdy QazAqparat tilshisi.

Búgingi kúnge deıin oblysta taǵy tórt adam qaterli dertten tolyq jazylǵan bolatyn. Olardyń emi tolyq aıaqtaldy. Eki márte test synamasy alyndy. Osylaısha olardyń sany alty adamǵa jetti.

«Synama nátıjesi teris nátıje kórsetti. Naýqastar koronavırýsten tolyq jazyldy degen qorytyndy jasaldy. Azamattar aýrýhanadan úılerine shyǵaryldy. Іndetti jeńgen 2 naýqastyń biri Qyzylorda qalasynda tursa, ekinshisi Jańaqorǵan aýdanynyń turǵyny. Olar aldaǵy ýaqytta 14 kún boıy aımaqtyq dárigerler baqylaýynda bolady», - dep málim etti Qyzylorda oblystyq densaýlyq saqtaý basqarmasynyń baspasóz qyzmeti.

Búgingi tańda Qyzylorda oblysynda 134 adam atalǵan ınfektsııadan emdelip jatyr.