Qyzylorda oblysynda koronavırýske shaldyqqandar kún saıyn tirkelýde
QYZYLORDA. QazAqparat - Qyzylorda oblysy koronavırýs ınfektsııasy boıynsha reprodýktıvtik kórsetkishte «jasyl aımaqta» turǵanmen mamandar áli de qaýip bar ekenin aıtady. Sońǵy ýaqytta qaterli indetke shaldyqqan azamattar kún saıyn tirkelýde, dep habarlaıdy QazAqparat tilshisi.
Bıylǵy jyldyń basynan beri 57derek tirkeldi. Tirkelgen jaǵdaıdyń basym bóliginde qarym-qatynas arqyly taralǵandyǵy anyqtaldy.
Sońǵy táýlikte, 11 qańtardaǵy málimet boıynsha koronavırýs ınfektsııasynyń 6 deregi anyqtaldy. Onyń 5-eýi Qyzylorda qalasynda, 1-eýi Jańaqorǵan aýdanynda tirkeldi.
«PTR analızderi 4 naýqastan jumysqa túsý aldyndaǵy profılaktıkalyq maqsattaǵy tekserý kezinde alynǵan. Al 1 patsıent JRVI sımptomynyń bolýyna baılanysty ózdiginen medıtsınalyq kómekke júgingse, 1 naýqastan koronavırýs ınfektsııasyn juqtyrǵan adammen qarym-qatynasta bolǵan. Taldaý nátıjesi koronavırýs ınfektsııasyna oń nátıje kórsetti. Naýqastarmen qarym-qatynasta bolǵan adamdar medıtsınalyq baqylaýǵa alyndy. Profılaktıkalyq jáne epıdemııaǵa qarsy sharalar júrgizilýde», - dep málim etti Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.
Búgingi kúnge deıin Qyzylorda oblysy boıynsha koronavırýs ınfektsııasynyń 3449 deregi esepke alynǵan. Barlyq tirkelgen jaǵdaıdyń 55% sımptommen, 45% klınıkalyq belgisinsiz anyqtalǵan.
Sondaı-aq, jyl basynan beri Qyzylordada karantın talabyn buzǵan 5 nysan ıesi jaýapqa tartyldy.
