Qyzylorda oblysynda koronavırýske qatysty ahýal qandaı

QYZYLORDA. QazAqparat - Koronavırýs ınfektsııasyna qatysty Qyzylorda oblysyndaǵy ahýal jóninde oblystyq Densaýlyq saqtaý basqarmasynyń basshysy Jaqsylyq Abdýsametov málim etti, dep habarlaıdy QazAqparat tilshisi.

«Sońǵy táýlikte 5 adamnan qaterli indet naqtylandy. Olardyń 1-eýi skrınıngten anyqtalsa, 4-eýi koronavırýs juqtyrǵan naýqaspen baılanysta bolǵan azamattar. Sońǵy táýlikte barlyǵy 553 zerthanalyq synama alynsa, onyń 543 synamasy teris mándi boldy. 5 synama oń nátıje kórsetse, 5-eýi zerttelý ústinde. Qaldyq test - 5000», – dedi basqarma basshysy.

Sondaı-aq, koronavırýs ınfektsııasyn juqtyrǵandarmen baılanysta bolǵan 3242 azamat anyqtaldy. Onyń ishinde, 1746-sy jaqyn qarym-qatynasta, 1496-sy janama baılanysta bolǵan.

«Jalpy 22 sáýirden beri qaraı COVID-19 ınfektsııasy 73 naýqastan anyqtaldy. Onyń ishinde 12-si medıtsına qyzmetkeri bolsa, 43-i qarym-qatynas arqyly juqtyrǵandar, 7-eýi vahtalyq jumystan kelgender arasynan, 3-eýi blokpostta tekserý barysynda anyqtaldy. Sondaı-aq, 5 naýqas medıtsına uıymdaryndaǵy fıltr kabınetterinen tumaý, pnevmonııa belgilerimen shaǵymdanǵan azamattar qatarynan bolsa, 1-eýi Reseıden kelgen stýdent. Jabyq mekemelerdi skrınıngileý barysynda 2 naýqas belgili boldy. Sońǵy 15 kúnniń statıstıkasyna qaraǵanda, vırýstyń juǵý múmkindigi qarym-qatynas arqyly bolyp otyr. Sondyqtan turǵyndardy oqshaýlanyp, shekteý sharalaryna muqııat bolýǵa shaqyramyz», - dedi basqarma basshysy.

Óńirde koronavırýs dıagnozy jalpy 222 adamǵa qoıyldy. Saýyǵyp shyqty - 140 naýqas.