Qyzylorda oblysynda koronavırýsqa qarsy vaktsınatsııa qarqyny qandaı

QYZYLORDA. QazAqparat - Qyzylorda oblysynda 233 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirde qaterli indetke qarsy ekpe qabyldaý 1 aqpannan bastaldy.

Nátıjesinde qazir vaktsınanyń birinshi komponentin alǵandar 233 myńnan assa, ekinshi komponentin 174 myńnan astam adam saldyrdy.

Oblystyq Densaýlyq saqtaý basqarmasynyń habarlaýynsha, ekpe qabyldaǵandar qatarynda pedagogter, medıtsına salasynyń mamandary, quqyq qorǵaý organy qyzmetkerleri, memlekettik qyzmetshiler, stýdentter sany basym.

Elimizde qaterli indetke qarsy ekpe alýdan Qyzylorda oblysy aldyńǵy qatarda keledi.

Osy ýaqytqa deıin vaktsınalanǵandar arasynda 130 adam koronovırýspen aýyrǵan. Tolyq 2 komponentti alǵandardyń ishinde 22 jaǵdaı tirkeldi.

«Óńirde egde jastaǵy adamdar da qaterli indetke qarsy vaktsına qabyldaýda. Vaktsınadan keıin turǵyndarda asqyný bolǵan joq», - dep málim etti Qyzylorda oblystyq Densaýlyq saqtaý basqarmasynan.

Aıta ketý kerek, koronavırýs ınfektsııasyna qarsy ımmýndaý naýqanyna 106 ekpe kabıneti men 37 jyljymaly pýnktiń jumysy uıymdastyrylǵan.

Ekpeniń jetkilikti qory barlyq medıtsına uıymdarynda jasaqtalǵan.

Eske salsaq, Qyzylordada temirjol vokzaly qyzmetkerleriniń 83% koronavırýs vaktsınasyn saldyrdy.