Qyzylorda oblysynda koronavırýs juqtyrǵandardyń kópshiligi qalada turady
QYZYLORDA. QazAqparat - Qyzylorda oblysynda bıyl qaterli indetke shaldyqqan turǵyndardyń basym bóligi qarym-qatynas arqyly koronavırýs juqtyrǵany anyqtaldy, dep habarlaıdy QazAqparat tilshisi.
Bıyl jyl basynan beri koronavırýs ınfektsııasyna shaldyqqan 367 adam tirkeldi. Olardyń jalpy sany 3759 adamǵa jetti. Naýqastardyń basym bóligi Qyzylorda qalasynyń úlesine tıedi. Tirkelgen jaǵdaıdyń 7,6 paıyzyn 14 jasqa deıingi balalar quraıdy. Oblysta qaterli indet shyqqan oshaqtarda qorytyndy zalalsyzdandyrý jumystary júrgizildi. Іndetke qarsy profılaktıkalyq sharalar uıymdastyryldy. «Naýqastarmen qarym-qatynasta bolǵandar 14 kúnge dárigerlerdiń medıtsınalyq baqylaýyna alynǵan.
Sońǵy táýlikte koronavırýs ınfektsııasyn juqtyrýdyń 17 deregi tirkelgen. Olardyń 10-y Qyzylorda qalasynda, 5-i Shıelide anyqtalsa, Jańaqorǵan men Jalaǵash aýdandarynda ol bir-bir adamnan qurady. Bes adamda dene qyzýynyń kóterilýi, entigý, dám men ıis sezýdiń joǵalýy sekildi klınıkalyq belgisi baıqalǵan. Qalǵanynla sımptomsyz ekeni anyqtaldy», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
Vedomstvo málimetinshe, naýqastarmen qarym-qatynasta bolǵan 52 adam medıtsınalyq baqylaýǵa alynǵan. Profılaktıkalyq jáne epıdemııaǵa qarsy sharalar júrgizilýde.
Esterińizge sala ketelik, budan buryn Qyzylordada karantın kezinde tegin tamaq taratyp, kóp adam jınaǵan dámhana anyqtalǵanyn habarlaǵan edik.
