Qyzylorda oblysynda koronavırýs juqtyrǵan júkti áıel aman-esen bosandy
Bul týraly QR Densaýlyq saqtaý vıtse-mınıstri Lzzat Aqtaeva óziniń Facebook paraqshasynda jazdy.
Vıtse-mınstrdiń aıtýynsha, júkti áıel 2020 jyldyń 8 sáýri kúni kelip túsken. Onyń bosanatyn ýaqyty jetken jáne oǵan jedel-respıratorly vırýsty ınfektsııa dıagnozy qoıylǵan. Onyń densaýlyǵyn baqylaý barysynda dene qyzýy 38,1 gradýs qa deıin kóterilgen.
COVID-19 vırýsyna tekserý júrgizilgen soń, onyń naýqas ekeni anyqtaldy. Áıel balasyn aman-esen bosandy.
Náresteniń salmaǵy 2970,0 gr, boıy 51 sm. balanyń densaýlyq jaǵdaıy qanaǵattanarlyq. Náresteden de COVID-19 vırýsyna analız alyndy. Áıeldi COVID-19 vırýsynan tolyq emdep shyǵarý úshin ol ınfektsııalyq statsıonarǵa jatqyzyldy. Kezekshi brıgada músheleri medıtsınalyq kómek kórsetý kezinde kúsheıtilgen qorǵanysh quraldaryn paıdalandy. Kezekshilikten soń olar birden úıdegi karantınge jatqyzyldy.
«Olar, óz isin adal atqaryp júrgen bizdiń zamanymyzdyń batyrlary, Qyzylorda oblystyq perınataldyq ortalyǵynyń kezekshiler brıgadasy:
Aqbota Qońqabaeva, akýsher – gınekolog
Áıgerim Eńsepbaeva - akýsher
Merýert Aqqaıyrova – neanatolog
Aıgúl Turǵanbaeva – balalar dárigeri»,-dep jazdy vıtse-mınıstr.