Qyzylorda oblysynda koronavırýs juqtyrǵan sońǵy úsh adam bir aýyldyń turǵyndary
Naýqastyń úsheýi de Syrdarııa aýdanynyń Amangeldi aýylynda turady. Barlyǵy da koronavırýs ınfektsııasyn juqtyrǵan adammen qarym-qatynasta bolǵan. Soǵan baılanysty karantındik statsıonarǵa jatqyzylyp, zerthanalyq synamalar alynǵan. Zertteý qorytyndysy dıagnozdy naqtylady.
«Qazirgi tańda naýqastardyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Naýqastarmen qarym-qatynasta bolǵan adamdar anyqtaldy. Barlyǵy medıtsınalyq baqylaýǵa alynýda. Aýrý oshaqtarynda epıdzertteý jumystary, dezınfektsııalyq jumys júrgizilýde», - dep málim etti oblystyq Taýarlar, qyzmetterdiń sapasy men qaýipsizdigin baqylaý departamenti basshysynyń orynbasary, aımaqtyń bas sanıtar dárigeri Álııa Ábdiqaıymova.
8 sáýirde osy saǵattaǵy jaǵdaı boıynsha Qyzylorda oblysynda koronavırýs ınfektsııasyn juqtyrǵan 72 adam anyqtaldy. Olardyń 9-y Qyzylorda qalasynda, 16-sy Jańaqorǵan aýdanynda tirkelse, Qarmaqshyda - 4, Shıelide - 35, Syrdarııada - 7, Aralda - 1 jaǵdaı naqtylandy.
Aıta keterligi, Álııa Ábdiqaıymova óńir turǵyndaryn qonaqqa barmaýǵa shaqyrdy