Qyzylorda oblysynda koronavırýs anyqtalǵan sońǵy 5 adam — Shıeli aýdanynyń turǵyndary
NUR-SULTAN. QazAqparat – Qyzylorda oblysynda «COVID-19» ınfektsııasyn juqtyrǵan 5 jaǵdaı Shıeli aýdanynda tirkeldi, dep habarlaıdy Memlekettik komıssııanyń shuǵyl shtaby.
«Olar buǵan deıin vırýs juqtyrǵan adammen tyǵyz qarym-qatynasta bolýyna baılanysty karantındik statsıonarǵa jatqyzylyp, QR Bas memlekettik sanıtarııalyq dárigerdiń qaýlysyna sáıkes zerthanalyq synamalar alyndy. Dıagnoz naqtylanyp, aýdanaralyq aýrýhananyń juqpaly aýrýlar bólimine aýystyryldy. Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde. Qazirgi tańda naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda» delingen habarlamada.
Aýrý oshaqtarynda epıdzertteý jumystary, dezınfektsııalyq jumystar júrgizilýde.
06.04.2020 jaǵdaı boıynsha aımaqta COVID-19 koronavırýstyq ınfektsııaǵa shaldyqqan 50 adam anyqtaldy, Qyzylorda qalasynda – 6 jaǵdaı, Jańaqorǵan aýdanynda – 16, Qarmaqshyda – 4, Shıelide – 24 jaǵdaı.
