Qyzylorda oblysynda qorǵanys isteri jónindegi departamentke jańa bastyq taǵaıyndaldy

QYZYLORDA. QazAqparat - QR Qorǵanys mınıstriniń buıryǵymen Qyzylorda oblysynyń qorǵanys isteri jónindegi departamentiniń bastyǵy bolyp polkovnık Dáýletbaqov Murat Shymkentbaıuly taǵaıyndaldy. 

Bul týraly QazAqparat HAA tilshisi atalǵan  departametke silteme jasap habarlady.

      Jańa bastyqty jeke quramǵa Qazaqstan Respýblıkasy Qarýly Kúshteri Bas shtaby Uıymdastyrý-jumyldyrý jumystary departamentiniń basqarma bastyǵy polkovnık Musaev Qanat Ómirbekuly tanystyrdy.

Dáýletbahov Murat 26.03.1966 jyly Ońtústik Qazaqstan oblysy Abaı aýdanynda dúnıege kelgen.

Áskerı qyzmettegi joldaryn 1994-2002 jyldar aralyǵynda Ońtústik Qazaqstan oblysyna qarasty Eńbekshi, Ál-Farabı, Kentaý aýdandyq qorǵanys isteri jónindegi basqarma, bólimderde ártúrli laýazymda qyzmet atqarýdan bastaǵan. 

- 2002-2012 jyldary OQO Báıdibek, Ordabasy aýdandyq qorǵanys isteri jónindegi bólimderdiń bastyǵy;

- 2012-2013 jyldary Jambyl oblysynyń Taraz qalasynyń qorǵanys isteri jónindegi basqarmasynyń bastyǵy;

- 2013-2017 jyldyń naýryzna deıin Jambyl oblysynyń qorǵanys isteri jónindegi departamenti bastyǵynyń birinshi orynbasary - jumyldyrý basqarmasynyń bastyǵy laýazymdaryn atqarǵan.