Qyzylorda oblysynda kópqabatty úılerdi jóndeýge 75 mln teńge bólindi

QYZYLORDA.QazAqparat- Qyzylorda oblysynda energetıka jáne turǵyn úı-kommýnaldyq salasynda osy jyldyń ekinshi toqsanynda atqarylǵan jumystar qorytyndylandy. Basqarma ókilderiniń aıtýynsha josparly jumystar júıeli túrde júzege asyp keledi. Sonyń biri  kópqabatty úılerdi jóndeý baǵytyndaǵy bastamalar.  Bul týraly QazAqparat HAA tilshisi habarlady.

   Búginde oblys boıynsha jóndeýdi qajet etetin kópqabatty turǵyn úıler sany 640-ty qurap otyr. Óńir ákiminiń tapsyrmasyna sáıkes aýdandyq bıýdjetterden 15 úıdi jóndeýge 75,1 mln. teńge bólip, jóndeý jumystaryn júrgizý josparlanýda.

 «Qazirgi tańda, turǵyndarmen kelisimge qol qoıý jumystary júrgizilýde. Osy baǵyttaǵy jumystar nátıjesinde Qyzylorda qalasynda qaıtarym qarajat esebinen 74,360 mln. teńgege Bókeıhan kóshesi №62 úıge jóndeý jumystary júrgizilýde», - deıdi energetıka jáne turǵyn-úı kommýnaldyq sharýashylyq basqarmasynyń basshysy Medet Ýsaın.