Qyzylorda oblysynda Qonysbek Qazantaevtyń bıýsti qoıyldy

Sharada óńir basshysy qoǵam qaıratkeriniń el ıgiligi jolyndaǵy eńbegin atap, qurmetin jetkizdi.

- Keshegi keńestik dáýirde óziniń eren eńbegimen el dástúrine beı-jaı qaramaı, elim, jerim degen, rýhy bıik qaıratkerler az bolmaǵany belgili. Solardyń ishinde óziniń adaldyq, ádildigimen, parasattylyǵymen, adamgershilik ıgi qasıetterimen el aýzynda qalǵan memleket jáne qoǵam qaıratkeri Qonysbek Tóreshuly Qazantaevtyń esimin aıryqsha ataımyz. Ol - 19 jasynda Uly Otan soǵysyna attanyp, Soltústik-Batys, Baltyq boıy maıdandarynda halyqty jaýdan azat etý jolynda kúresken jaýynger. Soǵystan keıin el basqarý isine aralasyp, 1945-1963 jyldary Qarmaqshy, Shıeli aýdandarynda jaýapty qyzmetterde bolsa, 1963-1985 jyldary Syrdarııa, sol kezdegi Tereńózek, Jalaǵash aýdandyq partııa komıtetteriniń birinshi hatshysy boldy. Qonysbek Tóreshuly ózi basqarǵan aýdandarda jańashyldyǵymen, bastamashyldyǵymen erekshelendi. Ásirese, aýylsharýashylyǵyn damytý baǵytynda kóptegen jobalardy júzege asyryp, Syr óńiriniń yrysty da kúrishti aımaqqa aınalýyna óz qoltańbasyn qaldyrdy, - dedi aımaq basshysy Gúlshara Ábdiqalyqova.

Sharada sóz alǵan qaıratkerdiń uly Ǵanıbek Qazantaev tulǵanyń elge sińirgen eńbegin elep, qurmet kórsetken aımaq basshysyna alǵysyn bildirip, ákesi jaıly esteligimen bólisti.

Qonysbek Qazantaev 1923 jyly Qyzylorda oblysy, Qarmaqshy aýdany «Qyzyljarma» Jambyl atyndaǵy kolhozda dúnıege kelgen. Qoǵam qaıratkeri 2-shi dúnıejúzilik soǵysqa qatysqan. Ómiriniń 50 jylyn eńbekke arnady.

Keńes Odaǵy Kommýnıstik partııasynyń Máskeýdegi HHІІІ sezine delegat bolyp qatysty. Otyz bes jyl boıy aýdandyq partııa komıtetiniń múshesi, aýdandyq, oblystyq keńesterdiń depýtaty bolyp saılandy.

Qonysbek Tóreshuly «Oktıabr revolıýtsııasy», «Eńbek Qyzyl Tý» ordenderimen jáne Qazaqstan Respýblıkasy Joǵarǵy Keńesiniń 2 ret «Qurmet gramotasymen» marapattalǵan.