Qyzylorda oblysynda qonýǵa bet alǵan ushaq otqa orandy
QYZYLORDA. QazAqparat - Qyzylorda oblysy Aral aýdanynda AN-2 ushaǵy qoný kezinde otqa orandy, dep habarlaıdy QazAqparat tilshisi.
Bul jóninde habarlama oblystyq tótenshe jaǵdaılar departamentine saǵat 12.10-de túsken. Aral qalasyna 10 shaqyrym qalǵanda qonýǵa bet alǵan ushaqtan órt shyqty. Atalǵan ushaq TJA5217 sanıtarlyq baǵyty boıynsha jumys istegen.
«Tikushaqta 2 ekıpaj múshesi men 1 dáriger bolǵan. Ekıpaj «Sanavıatsııa» mekemesiniń tapsyrmasy boıynsha shyqqan. Oqıǵanyń mán-jaıy anyqtalýda. Adamdary aman», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen.
Vedomstvo málimetinshe, oqıǵa ornyna órt sóndirýshiler attanyp ketti.
