Qyzylorda oblysynda qonaqúı ıesin óltirgen kúdikti qolǵa tústi

QYZYLORDA. QazAqparat - Qyzylorda oblysynda qonaqúı ıesin óltirgen kúdikti qolǵa tústi, dep habarlaıdy QazAqparat tilshisi.

Shıeli aýdandyq polıtsııa bólimine 29 qyrkúıekte aýyldaǵy qonaqúılerdiń birinde onyń ıesiniń dene jaraqaty bar máıiti tabylǵany týraly habarlama túsken.

«Polıtsııa qyzmetkerleri tarapynan júrgizilgen jedel-izdestirý jumystarynyń nátıjesinde atalǵan qylmysty jasady degen kúdikpen oblysta turatyn 25 jastaǵy turǵyn ustaldy. Odan aıǵaq zattar alyndy. Qazirgi tańda kúdikti ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 99-babynyń 1-bóligimen tergep-tekserý áreketteri bastalyp, tıisti saraptamalar taǵaıyndaldy.

Eske salsaq, budan buryn Baıqońyrda 64 jastaǵy turǵyn belgisiz jaǵdaıda sýǵa batyp ketti.