Qyzylorda oblysynda kólik urlaǵandar ustaldy
JALAǴASh AÝDANY. QazAqparat - Qyzylorda oblysy Jalaǵash aýdanynda «Lada Kalina» markaly avtokóligin urlaǵandar ustaldy, dep habarlaıdy QazAqparat tilshisi.
«Kóliktiń urlanǵany týraly aqparat túskennen keıin, polıtsııa qyzmetkerleri dereý iske kiristi. Nátıjesinde tas jol boıynda jaıaý ketip bara jatqan eki azamatty anyqtady. Olar zańsyz aıdap ketken avtokólikti jasyrý maqsatynda jol jıegine shyǵaryp qoıǵan. Kúdikti retinde Jalaǵash kentiniń 31 jáne 39 jastaǵy eki turǵyny qolǵa tústi. Olar Jalaǵash aýdanynyń polıtsııa bólimine jetkizildi. Aıǵaq zat retinde alynǵan avtokólik aıyp turaǵyna qoıyldy. Tergeý júrip jatyr», - dedi Qyzylorda oblysy Polıtsııa departamentiniń baspasóz qyzmeti.
