Qyzylorda oblysynda kólik qozǵalysyna shekteý qoıyldy

QYZYLORDA. QazAqparat - Qyzylorda oblysynda aýa raıynyń nasharlaýyna baılanysty kólik qozǵalysyna shekteý qoıyldy, dep habarlaıdy QazAqparat tilshisi.

Qyzylorda oblysynda aýa raıynyń nasharlaýy baıqalyp tur.

«Osyǵan baılanysty «Qazavtojol» AQ Qyzylorda oblysy boıynsha fılıalynan respýblıkalyq mańyzy bar avtomobıl kólik qozǵalysyna shekteý qoıý týraly sheshim qabyldandy. Aýa-raıynyń nasharlaýyna baılanysty 3 aqpanda Astana ýaqytymen 12.40-tan bastap respýblıkalyq mańyzy bar «Samara-Shymkent» avtomobıl jolynyń 1357-1715 shaqyrym aralyǵynda barlyq kólik qozǵalysyna shekteý qoıyldy. Ol Aral qalasynan Jalaǵash aýdanynyń aýmaǵyna deıingi aralyqty qamtıdy», - dedi oblystyq tótenshe jaǵdaılar departamentinen.

Eske salsaq, Qyzylorda oblysynda búgin 140 myńnan astam oqýshy qashyqtan oqıdy.